SPIDER MAN GROUP

منتدى سبايدر مان جروب يرحب بالاعضاء الجدد والساده الزوار ويارب ان ننول اعجابكم
 
الرئيسيةس .و .جبحـثالتسجيلدخول

شاطر | 
 

 صناعة الجوسيس

اذهب الى الأسفل 
كاتب الموضوعرسالة
أميـــــ القلوب ـــــرة
مشرفه رومانسيه
avatar

انثى
عدد الرسائل : 1213
العمر : 35
تاريخ التسجيل : 21/02/2008

مُساهمةموضوع: صناعة الجوسيس   الثلاثاء أبريل 08, 2008 11:29 am

صناعـة الجواسيـس




الموضوعات اللي تستفزك عشان تكتب عنها اليومين دول أصبحت نادرة جدا.. عشان كده لما بلاقي واحد منهم مش باكدّب خبر وباكتب عنه .. قبل متروح مني حرقه دمي.. عشان كتير بتبقى حرقة دمك هي محركك الوحيد للكتابة
الموضوع بإختصار إننا بنصنع الجاسوس.. وبنديله كل مبررات التجسس.. وبعدين بنرجع نشتمه ونسجنه ونشنقه لما يتجسس لحساب اي دوله تانية
أيوة صدقوني.. انا مش تحت تأثير مخدر ولا بهلوس.. في مصر عندنا صناعة اسمها صناعة الجواسيس.. وكل يوم بتطلع ناس ممكن تعمل اي حاجة عشان الفلوس.. وناس تانيه معندهاش ادنى انتماء للوطن
*******




ياترى تعرف أسامة فؤاد الديب؟ عمرك سمعت الإسم ده؟ عمرك قريت عنه في الجرايد؟
لا طبعا.. اصله مش شخص مهم.. لا سرق قرض من بنك بدون ضمان, ولا دخّل السرطان على المحاصيل الزراعية, ولا قال ان الست ترضّع زميلها في الشغل.. ولا زوّر شهادة الإعفاء من الجيش وأخد تقريباً براءة علشان بيغنّي
معملش اي حاجة تستدعي ان يتكتب عنه في الجرايد
فيها ايه يعني ان اسامه الديب كان بطل من ابطال حرب أكتوبر؟ ما يوسف داوود في فيلم امير الظلام قال ان الشعب المصري كله كان بطل في حرب اكتوبر بإسلوب تهكمي ساخر
وفيها ايه يعني ان اسامة إتصاب بشظية في رجله أثناء الحرب استدعت بترها من الركبة؟ ده قضاء الله وقدره .. هنكفر يعني؟ قدر الله وما شاء فعل
لكن ان الدولة تتنكر لأسامة ومترضاش تعالجه على نفقتها.. فده غريب شوية
أن يضطر أسامة لأن يبيع بيته عشان يدفع مصاريف العلاج ويسكن على الرصيف فده أغرب
وأن واحد خدم بلدة خدمة عظيمة زي أسامة ينام على الرصيف وميلاقيش ياكل غير من مساعدات اهل الشارع له.. فده أغرب وأغرب


هنا بقى نيجي ونقول.. النهاردة الشاب اللي داخل الكليه الحربية.. او حتى عاوز يتطوع للخدمة في القوات المسلحة.. ورايح كله امل في بكرة.. وعاوز يفدي مصر بروحه.. لما يلاقي واحد زي أسامة الديب.. مش بالذمة هيفكر الف مرة قبل ميقدم على خطوة زي دي؟
حتي لو طرد الافكار الشريرة دي من دماغه وكمل في طريقه.. لو في يوم وصلت له أيادي مخابرات دولة معادية.. مش هيفكر انه يبيع شويه اسرار او رسومات سرية مقابل مبلغ كبير يأمّنه ويأمّن مستقبل عياله بدل ما يخرج من الخدمة وميلاقيش ياكل زي أسامة؟
ولو قامت الحرب.. هل هيفدي مصر بروحه؟ هل هيخاطر بحياته؟ ولاّ هيخاف يتصاب ويبقي زي اسامة؟




القصه التانية.. عن الجاسوس المصري الشهير: أحمد الهوّان, أو جمعه الشوّان كما ظهر في روايه صالح مرسي اللي إتحولت لمسلسل شهير يحمل نفس الإسم.. متهيألي معظمنا عارف إن أحمد الهوان أو جمعه الشوان قدم لمصر خدمات جليلة, وعرّض حياته للخطر.. ورمى نفسه في عرين الأسد فترة طويلة عشان يرجع لمصر بأحدث جهاز إرسال يستخدم في أعمال التجسس وقتها
المشكله حصلت بعد ما أنهى أحمد الهوان عمليته الشهيرة في إسرائيل.. ورجع لمصر.. كان المفروض أحمد الهوان يعيش في فيلا على النيل في أفخم مناطق مصر.. مع حماية أمنية على مستوى لمنع أي محاوله للإنتقام منه, ويتمتع بمعاش عالي كبطل خدم مصر أكتر بكتير من ناس كتير في قيادات عالية في القوات المسلحة
لكن..
لكن أحمد الهوان على العكس من كل ده لم يلق أي تشجيع من الدولة.. وتركوه في شقته المتواضعة في السويس يعاني الفقر.. خصوصا بعد مرضه.. ورفض طلبه للعلاج على نفقه الدولة, وبعد الإلتماس اللي قدمه لرئيس الجمهورية تم صرف معاش له بواقع 70 جنيه في الشهر
يا حلاوة ! 70 جنيه عشان ياكل ويشرب ويتعالج ويدفع فواتير الكهربا والتليفون والغاز.. ده لو كان اصلا هيقدر يشتري اي اكل بالسبعين جنيه دول




دة كان نموذج صغير للناس الي احنا نسمع عنهم بس, طبعا كل واحد فيكم عنده قصصه هو كمان عن ناس اتعرضوا للظلم من الدولة بعد ما خدموها.. ده غير الاف القصص الي احنا اصلا منعرفش عنها.. او القصص الي تعرضت لتعتيم اعلامي زي قصه محمود نور الدين, ظابط المخابرات الي ادى خدمات جليلة لمصر وفي النهاية تم سجنه وترك ليموت ببطء في زنزانته في سجن (طرة) لحد ما مات سنه 1998 مع اتهامات قوية للحكومة بالتسبب في موته من خلال الاهمال في علاجه داخل السجن




ونرجع ونقول ان في مصر صناعة خفية.. اسمها صناعة الجاسوس.. وهي صناعة غير مقصودة, الا انها قوية وبتتزايد يوم بعد يوم
حتى المقال ده لو اتقدمت بطلب نشره في اي جريدة او مجلة حكومية او مستقلة ح واجه بالرفض لأن القانون بيحتم عدم التعرض بالنقد للقوات المسلحة في الجرائد او برامج التليفزيون.. وهي نفس التهمة الي سجن بسببها طلعت السادات عضو مجلس الشعب لمدة سنة
في مصر صناعة للجواسيس.. لكنها.. زي اي صناعة مصرية.. لا ترقى للتصدير للخارج




بره في اي دولة في العالم في احترام كامل لكل شخص قدّم خدمه لبلاده.. الجنود الامريكان الي بيعودوا مصابين من حرب العراق.. ومن قبلها فيتنام او اي حرب كانت الولايات المتحدة طرف فيها.. بيعامَلوا معاملة الابطال ماديا ومعنويا.. بداية من صرف المعاشات المرتفعة, وتخفيض تكاليف السكن والإقامة, نهاية بنشر مذكراتهم واجراء حوارات تليفزيونية معاهم, وإسناد وظائف شرفية ومهام تدريب ليهم.. لتشجيع الشباب وتحسين نظرة افراد المجتمع الامريكي لهم
الكيان الاسرائيلي مثلا بتعامل الجواسيس اللي بيعملوا لحسابها معاملة الأبطال.. وبعد ثورة 1952 في مصر حصلت عملية تجسس من الإسرائيليين على النظام في مصر, وتم كشف شبكة التجسس وعرفت القضية بإسم فضيحة لافون وإعدام عدد من أفرادهم.. وبمجرد أن أصبح خبر الإعدام رسميا حتى اعلنت إسرائيل الحداد على أبطالهم.. من وجهه نظرها طبعا.. وتم تنكيس اعلام إسرائيل في المدارس والمصالح الحكومية, ووقف أعضاء الكنيسيت دقيقة حدادا على أرواحهم.. بينما سعى الموساد بكل الطرق الرسمية والغير رسمية لاستعادة باقي الجواسيس.. وفعلا بادلت الباقي منهم بعدد من عساكرنا الي إتأسروا في حرب 1967.. ولما وصلوا إسرائيل تم إستقبالهم إستقبال الأبطال.. وبعد سنين من الموضوع ده حضرت جولدا مائير شخصيا حفل زفاف بنت منهم وهي مارسيل نينو
وبعد حرب 1967 بسنوات استطاع الطيار العراقي منير روفا واللي جنده الموساد إنه يهرب من العراق بطيارة ميج فرنسيه الصنع, ويدخل بيها إسرائيل, وأستقبل هناك إستقبال الأبطال, وتم تأمين الحماية الكاملة له في إسرائيل هو وعائلته, وعاملوه معامله الأبطال, ولسه لحد النهاردة طيارته الميج في المتحف الجوي الإسرائيلي في تل أبيب تخليدا لذكراه
والقائمة طويلة بأسماء اللي كرّمتهم إسرائيل بسبب تعاونهم معاها.. وده مش لانها دولة كويسة.. وبتحفظ الجميل, لكن ده تشجيعا لاي تعاون في المستقبل من أي ناس تانية.. اما احنا.. فخبراء في مجال تشويه صورتنا.. بالقول والفعل.. أحيانا




أسامة والهوّان وأمثالهم هتفضل صورتهم عار على الحكومة.. ونقطة شك في قلب اي مؤمن بضرورة اننا نفدي مصر بروحنا بدون مقابل.. او زي ما قال بلال فضل في واحد من افلامه على لسان البطلة بإسلوب ساخر: متقولش إيه ادتنا مصر قول ادينا ايه لمصر

وعجبي


أميــــــ القلوب ــــــــرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المديــــــــــر
صاحب الموقع
صاحب الموقع
avatar

ذكر
عدد الرسائل : 886
العمر : 109
الموقع : www.outwar.com
العمل/الترفيه : free
تاريخ التسجيل : 17/01/2008

مُساهمةموضوع: رد: صناعة الجوسيس   الأربعاء أبريل 09, 2008 12:45 am


شكراا ليك على موضوعك الرائع ومجهودك المتواصل

تقبل مرورى

_________________













¶§™ـ_ـ«O¾§¶BEBO¶§¾O»ـ_ـ™§¶
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spider.goo-dart.com/
أميـــــ القلوب ـــــرة
مشرفه رومانسيه
avatar

انثى
عدد الرسائل : 1213
العمر : 35
تاريخ التسجيل : 21/02/2008

مُساهمةموضوع: رد: صناعة الجوسيس   الخميس أبريل 10, 2008 3:42 pm

ميرسى ليك بيبو على مرورك الجميل تقبل تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وجــــ الرحيل ـــــع
المراقب العام
المراقب العام
avatar

ذكر
عدد الرسائل : 826
العمر : 30
الموقع : www.tagged.com
العمل/الترفيه : student
تاريخ التسجيل : 01/02/2008

مُساهمةموضوع: رد: صناعة الجوسيس   الأحد أبريل 13, 2008 12:59 am

تسلمى ياهنا على موضوعك الجميل
سلمت يمينك على الابداع والطرح الرئع
تقبلى مرورى

_________________

(وداعا يا احبائي فقد حان موعد الرحيل)
(وداعا يا من كان لهم القلب يميل)
(وداعا فأن الهوى مستحيل)
(والعين باكية والدمع يسيل)
(وداعا فقد طالت غربتي والعيش لم يعد جميل)
(ففي بعدك عني اصبح الموت لي سبيل)
(ومن لي غير الموت لفراقك بديل)
(حياتي دمار)













الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.letsgoo.bestgoo.com
 
صناعة الجوسيس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SPIDER MAN GROUP :: عـــــــــــــــــــام-
انتقل الى: